ويللي انخ ئتينين اسيات ئسكاض ن زييت

تاسيم أتبير ئكان ؤمليل لهنا يوداكن

ئرور ؤتبير نرور نك نيت لهنا ترزامت

لامان ئنغات كرا غ ميدن سوردنت مضلنت

ؤمان اتكيت اوالليد يوسين تاكلزيمت

ئبي اسغار ئنو ماغ راسول ناف لغلت

ؤمان اتكيت اوالليد ئسمسدن توزالت؟

ار ئس ئقرس ئتازانين ؤرتا يازومن

ؤمان اتكيت أ غواد ئتاكين ف ئكابارن؟

اكرن ارعم د كرا يوسي نغينك اباب نس

ماد ئكا لحال اوال نك يوكر بدا تيدي نك؟

ماد ئكا لحال لقول نك ؤر ايون تنجامن؟

مناو أتكام آ ويللي خلانين تكاديرت؟

مراو ئقبيلن مون ند كولو ف يات تقبيلت

ئنا اس يان نكي باعد أكوكخ ام آزالت

غوين افوس د ؤمعداو مقار ئمسل س ئدامن

ئراكين سول لحال آ فلان ؤرتا تنجيمت

يا يفضرن س أيت ماك ئمنسي ئراتن كيون

كولو مان توفيت ار ئتيني جرانت كينخ

هان ؤر ئسمامي ابلا ليغ ئزرا لغبينت

اوال ؤ وفلا ار ئتيسليو ؤسغار ن زييت

اتبير ؤمليل نان ئموت ئنغات ئغيور……

عبدالرحمن      04/05/2025