نرا أنحوش ئي تاسانو أمر س ؤدينان

ئگان وين سنتير نسمدودي تنت

أرمخ أس ألون ن شرگ نهمز اسنت

أرمخ إقرقاو ن بن ئعقوب أرمخ

أعواد ئحيحي ؤلا أباعمران

ناسي للغا س تزرارت للي ن ئبركاك

أد نسدوي أزّان ئحضان غ واگنس نس

أد ديس جمعاخ نماطل اسن يادا نيت 

أد أس د نسكتي تيللي ف ؤر ئعاقيل

نعاوداسن تيدا جرانين ئگوران

ئغ ئدسن كا داخ مدرزخ يودا اخ   

نلوح تاغوفي كّيسخ أسن تاد ؤسين 

أد ئسفلد ئي ووال ئزورن دارنخ

أد ئگمي ما يّورا زمان غ وودم ئيان

ئزر تيمللي د ئكشمن س وازار نخ

ييسان ئس لّان وازبالن للي ضرنين

ئلين ئگيدار ئخلان گن ئغرمان

أوين ئسمضال ئرگازن سوگرنين

ركمن وارّاتن غ ؤخزان لليغ لّان

ؤر أك گيسن ناضرن ميدن ماد نّان

أشوشف أودي شوشف أت أياعوّام

ئمّا ئريز ؤر راد ئفغ أسيف ن دونيت

ئغ أيسلم تگيت أقرين ن تمدا نّون

ؤر أك راك سيحلن وينّاك ؤگرنين

نرا اد داخ نكات أگبال ئيوبنكال

أر ئدس نتهضار نسمون ئضوضان نخ

أتّْ نكند أر ئغ ئكشم د صندوق نس

رگلختين أويخ لهنا نزنجم الروح.

عبدالرحمان وادالرحمة

 أگادير

 15/07/2026