ئكَْر ئِنُو

ئكَْر ئِنُو
0:00 / 0:00

إيڭر إينو

إيڭر إينو لّي جّون أور إيسّيكين

ميدّْ دُ أومكراز إيكّا ك س إيميس نّس

إيسكر ڭيك إيڭوران أور أك إيسن

إيڭر أك أمود لاّ وْن أور إيليقن

إيرا إيْمندي أد أس إيمّْغي س إيلامْن.

إيڭر إينو، أد إينيغ أمور إينو

أر ڭيك نسيڭيل نرا تيفاوت

أمڭوف إينّا: بو يِيفران إيلّاسن

أد ڭيغ، أور نڭي يات غ أوسّان إينو.

إيناكڔ أغ إيڭودار أولا أوال إينو

إيناكڔ أغ إيس نڭا يان غ إينمغورن.

نساقّسا إيد باب ن تيرّا، نّان أنغ:

واهلي ما يّادّْر يان أور إيفركن.

إيسغر ك أياڭايو سغرن إيمي نغ

أرت نسّلماد أور إيري تيفاوت

تيدّْت لّيد إيڭرن أتن إيتّْمرّاتن

تيدّت إيمّا تيد إيقوشان ركانت،

يات تڭوضي كا أد أس إيكسن تاميمت

ڭيغ يان غ ميدن ماش أوتين أنغ

أشكو تيرّا دا غ نفل أس أغ أوفن.

                                                  داود السوسي